Rolde O Caxico d'o Biello Aragón

Rolde O Caxico e O Limaco de Edizions, con a colaborazión d'a Comarca de l'Alto Galligo, han feito á presentazión d'o libro "Mullers", en a Sala de Arte d'o Conzello de Samianigo (Carrera Sarrablo), o biernes 7 de marzo, a ras 20 oras d'a tardi.
A presentazión (en a foto) á cargo d'a Conzellera de Serbizios Sozials d'a Comarca de l'Alto Galligo, Mª Jesús Acín e de bellas autoras d'os siete relatos, fabló Carmina Paraiso, que farchan o bolumen. Se osequió con o mesmo a todas as presonas que bi asistioron a l'auto.
Més info d'a presentazión.

.
<MULLERS son siete relatos que s’articulan alredor de dos exes: son estaus escritos por mullers, por mullers que biben y sienten de trazas diferiens una mesma luenga común. I hai tanta y tan buena literatura en tan poquetas paxinas que ye defízil no emozionar-se leyendo-ne. En iste libro as autoras describen a soledá d’una mai deseparada d’a suya filla, cretican a guerra, rezentan miedos, mos namoran, felizitan as fiestas, sienten as colors con o corazón y acumulan publicamén os malos tratos. Y tot ixo con güellos de muller autual. Con Mullers, primer libro d’una serie, ROLDE O CAXICO y O LIMACO EDIZIONS quieren ufrir a o leutor un siñal de literatura fresca, ista bez apostando por a narratiba de chenero. As autoras: Mª Pilar Benítez, Malena Boli, Carmen Castán, Nieus-Luzia Dueso, Carmina Paraíso, Mª José Subirá, Ana Tena.

Rustica, 60 pax.
ISBN 978-84-936091-0-8
PBP con IBA: 5,00 € :: Mercar libro

Rolde o Caxico colabora en Iª CHORNADAS DE DEBATE o programa d'as Iª CHORNADAS DE DEBATE TOPONIMICO. ENDOTOPONIMOS Y ECSOTOPONIMOS, o diya sabado 15 d'abiento en Larrés e Isín, con a ponenzia:
- Proposa de toponimia ta la Galliguera Alta, Rolde O Caxico. Por Francho Rodés Orquín, filologo, autor de diferens treballos sobre l’aragonés, academico de numero de l’Academia de l’Aragonés.
Més info d'as chornadas en a web de A Estrela.

As collas Calibo e O Caxico, asociazions d'a Comarca Alto Galligo que treballan por a puesta en balor, a reconoxedura, a difusión e a amostranza d'a luenga aragonesa en ista comarca, zilebroron o 26 de setiembre en a Biblioteca Rosa Regàs de Samianigo, o Díya Europeo d' as Luengas. Una leutura poblica de testos en aragonés ubrió ro programa de autos.

O Rolde "O Caxico" ye una asoziazión que treballa en l'ambito d'a esfensa y promozión d'a luenga aragonesa en o Biello Aragón. En a G.E.A. se diz:
"Rolde de Fabla Aragonesa D’o Biello Aragón. Constituido el 12-XI-1989 en Santa Cruz de As Serors (Santa Cruz de la Serós) como círculo comarcal de apoyo a las actividades del Consello d’a Fabla Aragonesa, dando continuidad al Rolde de Fabla Aragonesa de Chaca que había funcionado unos años antes. En la reunión fundacional se eligieron dos representantes: Marisa Rubio, por Chaca (Jaca) y Ernesto Franco, por Samianigo (Sabiñánigo). Su principal finalidad es fomentar la presencia social del aragonés en el Biello Aragón". En 1996 pasa a clamarse Rolde «O caxico», baxo a presidenzia de Francho Rodés e dende 2006 o suyo presidén ye Rafel Vidaller. Poblica bels libros e a rebista añal Fuellas de caxico lo mesmo que fa chornadas.